Пред еден месец тој го прослави деветтото место на Зимските олимписки игри во Пекинг со своите спортисти-соучесници во штафетата, а денес Бохдан Цимбал, украински спортист, шампион во биатлон, е во центарот на ужасот на војната.
Потресната фотографија од украинскиот спортист Бохдан Цимбал „кружи“ на социјалните мрежи. На фотографијата тој е со новороденото синче кое му спие на градите, во близина на бомбите кои паѓаат насекаде наоколу нив.
Фотографијата е објавена на Твитер од страна на украинскиот парламент, и секако никој не може да остане рамнодушен, или поточно да не се потресе од глетката. Оваа фотографија е уште едно сведоштво во низата сведоштва за грдото лице на војната.
Сигурно дека Цимбал само еден месец претходно не би ни сонувал за ваква драматична парабола во неговиот живот, за тоа дека деновите што следуваат ќе биде принуден да ги минува во подрум претворен во засолниште, во Чернихив.
Good night, #Europe.
Sweet comfortable dreams.📷Ukrainian biathlete Bohdan Tsymbal together with his son at a shelter in #Chernihiv. pic.twitter.com/OqtNbhSNuB
— Verkhovna Rada of Ukraine (@ua_parliament) March 11, 2022
Руските бомби продолжуваат да паѓаат низ целата земја и најмалку 71 дете е убиено во Украина од почетокот на офанзивата на 24 февруари, според комесарката за човекови права на Украинскиот парламент, Људмила Денисова.
