Последната мис на Југославија фатена во голема акција: Славица Дајана Трипуновиќ уапсена поради елитна проституција
Славица Дајана Трипуновиќ, поранешна мисица и српска музичарка, беше уапсена пред неколку дена во голема акција на српската полиција, пишува radiosarajevo.ba. Полицијата со месеци го следеше синџирот на елитна проституција, а на крајот на минатата недела беа уапсени неколку лица, меѓу кои и девојки кои наводно се проституирале, а уапсени се и нивните макроа, пишува RTL.hr.
Меѓу уапсените имало и неколку познати имиња, меѓу кои две риалити ѕвезди и 51-годишна пејачка. Девојките наводно земале од 1.000 до 5.000 евра по ноќ за сексуални услуги.
Како што пишува Курир, последната Мис на Југославија, која учествуваше и на изборот за Мис на светот, е фатена „на дело“.
„Славица Трипуновиќ е уапсена во голема акција во која биле фатени и госпоѓата Јелена Јојиќ од Белград, менаџерот на пејачката Каја Остојиќ, Душан Бањац и внукот на српската музичарка Ера Ојданиќ, Никола Анѓелиќ. Славица Трипуновиќ и Мартина Рајиќ, поранешна ријалити ѕвезда и Плејбој зајачица биле фатени на дело, но брзо биле пуштени од притвор затоа што биле казнети“, изјави извор за Курир.
Инаку, Славица стана мис на Југославија во 1991 година, а потоа започна нејзината музичка кариера. Набрзо го добила уметничкото име Дијана, а пред 13 години учествувала во реално шоу.
View this post on Instagram
Спрските медиуми пишуваат дека таа е кума на пејачката Лепа Брена и пензионираниот тенисер Слободан Бобо Живојиновиќ. Според Курир, славниот пар се откажал од долгогодишните пријатели откако дознале дека наводно имаат врска со елитна проституција во Србија.
