Огромно внимание на турските медиуми во последните неколку дена предизвикува автобиографијата на познатиот турски пејач Мустафа Сандал, кој помеѓу останатото, пишувал и за својата поранешна сопруга Емина Јаховиќ. Гостувајќи во емисијата „Ексклузивно“, Емина откри што Мустафа напишал за неа:
„Мустафа напиша книга која веќе се продава. Тука се спомнувам и јас малку… Зборува за тоа како сум добра мајка, како бев добра сопруга, добар човек, што е прекрасно да го слушнеш од поранешниот сопруг. Обично поранешните сопрузи знаат да „распалат“ по жените (низ смеа). Мустафа постојано ме спомнува, како и јас него“, признала пејачката.
