Поранешната помошничка на Џо Бајден, која го обвини за сексуално вознемирување и малтретирање, Тара Рид ќе побара од рускиот претседател Владимир Путин да ѝ даде руско државјанство. Таа го изјави ова за време на прес-конференција, пренесува РИА Новости.
„Би сакала да аплицирам за руско државјанство и да побарам од рускиот претседател Владимир Путин да ми го даде ова државјанство“, рече Рид.
Таа истакна дека сега е во Русија, каде што ја примиле „со раширени раце“ и се надева дека ќе продолжи да живее во Москва во целосна безбедност.
Tara Reade said she wanted to stay in Russia after a Republican lawmaker told her she was in physical danger. https://t.co/vFWwi4XjrW
— The Moscow Times (@MoscowTimes) May 31, 2023
Поранешната помошничка на Бајден побара помош за добивање руско државјанство од пратеничката на Државната дума Марија Бутина, која вети дека ќе помогне во решавањето на овој проблем, пренесуваат руските медиуми.
“I’m not going to be intimidated, bullied or silenced,” Reade said during a press conference Tuesday in Moscow. https://t.co/7slUa2xJW2
— Newsweek (@Newsweek) May 30, 2023
Тара Рид претходно го обвини Џо Бајден за сексуално вознемирување. Според една поранешна вработена, во 1993 година политичарот ја малтретирал во зградата на американскиот Сенат. Бајден рече дека тврдењето за вознемирување е лага.
Рид пак, истакна дека по обвинувањата за вознемирување од страна на претседателот на САД, таа и нејзиното семејство почнале да добиваат смртни закани.
