Како што објави Њујорк пост, правниот тим на Амбер Херд открил дека следната недела ќе сведочи поранешната девојка на Џони Деп, Елен Баркин. И тоа во полза на Амбер.
Извор близок до Амбер Херд (36) открил дека Елен Баркин (68) ќе биде дел од судењето како сведод, а ќе одговара на прашања преку Зум.
Херд ја вклучи Баркин на нејзината листа на сведоци уште на почетокот на судењето, но до сега не се знаеше дали таа ќе прифати да сведочи.
На оваа листа се најдоа и Илон Маск и Џејмс Франко, но потврдено е дека нема да сведочат.
Амбер Херд верува дека сведочењето на Елен Баркин ќе помогне да се убеди поротата дека таа не ги измислила злоставувањата што Деп и ги нанел повеќе пати, односно дека ја зборува вистината (а не дека лаже – какви што беа тврдењата на Деп).
Баркин и Деп имале љубовна врска во 1990-тите, за време на Fear and Loathing во Лас Вегас.
Амбер Херд е убедена дека сведочењето на Елен Баркин можат да ѝ помогнат да го потврди насилното минато на Џони Деп.
За разлика од Елен, глумицата Винона Рајдер, која исто така била дел од љубовното минато на Деп, се изјасни за случајот „Деп против Херд“ дека во нејзината врска со Деп никогаш немало насилство.
