Водителката Јована Јеремиќ откри дека срспкиот тенисер Новак Ѓоковиќ ѝ бил мотив за напредок во сите области од животот.
Понесена од освојувањето на златниот медал на Олимписките игри на Новак, најпопуларната водителка во Србија самоуверено изјавила за „Информер“ дека нема конкуренција во работата.
-Нема колешка што има енергија како мене. Кога би се поврзале со уредите, би потврдиле. Јас сум Ѓоковиќ во мојата работа и тоа е вистина! – изјавила Јована и додала дека токму поради Новак решила да го промени животот:
– Ноле ми беше мотивација. Поради него се освестив, решив да го променам животот од корен и да го земам она што ми припаѓа. Ништо не е невозможно кога сакаш од дното на душата и кога работиш на себе. Неговиот успех беше поттик за мене да бидам најдобра во мојата професија, исто како него! Отсекогаш сум сакала успешни и моќни луѓе во нивните професии, затоа што ние Србите мораме да престанеме да ги оправдуваме личните неуспеси!
