Поминаа 15 години откако српската пејчка Ксенија Пајчин беше убиена на 16 март од нејзиниот тогашен партнер, манекенот Филип Каписода.
Миа Пајчин гостувала во емисијата „Блиц дан“ што се емитува на ТВ Блиц и по тој повод открила помалку познати детали за животот на Ксенија Пајчин.
– Сестра ми беше мојот идол. Каде и да се појави, сите ја сакаа и обожаваа, беше многу популарна. Порано сакав да бидам како неа, единственото нешто што не сакав е да пеам. Во недела секогаш доаѓаше на ручек, а мајка ми сè подготвуваше, и слатко и солено, а потоа Ксенија се лутеше и велеше: „Па луѓе, јас не сум гостин овде, не мора толку многу да подготвувате“ – рекла Миа и продолжила.
– Сите секогаш се вртеа кон неа. Знам дека еднаш излеговме да ја шетаме Милисава, нејзиното куче, и кога ја видоа сите викаа: Ксенија, Ксенија… ја обожаваа. Јас секогаш бев важна кога бев покрај неа. Еднаш донесе кадифено мече од два метри. Некој заѕвони на вратата, јас и татко ми ја отворивме и видовме мечка, а таа се скрила зад неа и рече: „Погледни ме“. Јас бев пресреќна. Тато секогаш се лутеше на неа бидејќи таа постојано ми купуваше, но таа беше тврдоглава. Тато беше лут затоа што ги направи усните, но секогаш му велеше: „Тоа е мојот живот, пушти ме“ – се присетува Миа за емисијата „Блиц дан“
– Таа никогаш не дозволуваше некој да види дека е тажна во своите четири ѕида. Татко ни постојано ѝ велеше да учи, да се посвети на училиште, но таа сакаше, кога ќе слушне музика, да ги фрли тетратките и книгите и само да танцува. Знам дека таа даде сè од себе кога беше музиката во прашање и дека го работеше тоа што го сакаше, а тоа е најважно.
