Основачот и креативен директор на „Гранд“, Саша Поповиќ, почина на 1 март по борбата со ракот, а неговото заминување ги погоди сите кои го познаваа.
Сега по долги години во една емисија се појавија Милан Динчиќ Динча, Немања Стевановиќ и Душан Свилар.
Тие пред 18 години ја отпеаја песната „Rode će se opet vratiti“ компонирана од Саша Поповиќ, а која го означи неговото заминување.
Дел од оваа песна отпеа и Милан Станковиќ, а водителката Весна Милановиќ во емисијата откри дека се обиделе да стапат во контакт со него, кој подолго време е во медиумска илегала.
– Песната „Rode će se opet vratiti“ го означи заминувањето на Саша Поповиќ и многу ми е драго што тројцата се согласија да бидат наши гости. Поминаа 18 години откако се натпреваруваа, тоа беше во 2007. Многу популарна екипа на „Ѕвездите на Гранд“ – рекла Весна и открила дека се обиделе да стапат во контакт со Милан:
– Морам да кажам дека Милан Станковиќ не беше достапен на телефонскиот број за да се слушнеме со него и да го поканиме во емисијата. Жал ни е поради тоа, но секако ја почитуваме неговата одлука да не сака да гостува во емисиите.
Познато е дека Милан Станковиќ целосно се повлече од музичката сцена, а одамна ја напушти „Гранд продукција“.
Инаку, Милан Динчиќ – Динча минатиот месец објави фотографија од студиото на „Гранд“ на Кошутњак, на која беше во друштво на колегите Немања и Душан.
– 18 години подоцна. Пред точно 18 години ја снимивме песната којашто ја компонираше Саша Поповиќ, „Rode će se opet vratiti“. Се чини дека дури сега добива целосно значење, кога некој наш драг привремено ќе го напушти овој живот – навел Динчиќ и додал:
– Убаво е да се видат драги колеги после долго време. Се потсетивме на убавите моменти од нашите почетоци. Гледајте нè наскоро на „Гранд“ во „Ѕвездите на Гранд“.
