По првиот случај Ковид-19, Северна Кореја комплетно се „заклучува“ по наредба на Ким: „Максимална вонредна состојба“.
Врховниот лидер на азиската држава одлучи да усвои национални мерки за карантин, подложувајќи ги сите корејски градови на строго затворање, со цел да се спречи заразата.
„Се појави сериозна ситуација поради влегување на мутант вирус Омикрон во нашите области“, соопшти официјалната новинска агенција КЦНА. За време на состанокот на Работничката партија во присуство на Ким, властите ги оцениле националните мерки за карантин во земјата на ниво на „максимална вонредна состојба“.
Севернокорејскиот лидер вети дека ќе ја „надмине“ првата појава на Ковид, вирус кој досега ниеднаш не беше забележана во неговата земја. Тоа го објавија и официјалните медиуми, на вонреден состанок на политичкото биро.
Врховниот лидер на Народна Република Северна Кореја рече: „Целта е да се елиминира коренот што е можно поскоро“, додавајќи дека „благодарение на силната политичка свест на населението, сигурно ќе ја надминеме вонредната состојба и ќе можеме да го завршиме проектот за карантин“.
Примероците земени од болни пациенти со треска во главниот град Пјонгјанг биле „конзистентни“ со високо преносливата варијанта Омикрон, објави КЦНА. Високи функционери, вклучително и лидерот Ким Џонг Ун, одржале итен состанок на Политбирото за да разговараат за најдобрите активности против кризата со најава за зајакнување на контролниот систем кон „максимална вонредна состојба“. Ким на средбата рече дека „целта е да се елиминира коренот на вирусот во најкраток временски период“.
