„Русија е преголема земја за војна против неа (со санкции) зашто ќе се врати како бумеранг“ – рече портпаролот на Кремљ, Дмитриј Песков, кој во долго интервју за руската агенција Тасс, зборуваше за следниот Меѓународен економски форум во Санкт Петербург, на кој на 17 јуни ќе учествува и самиот претседател Владимир Путин.
„Сите овие ограничувања, санкциите што се воведени (против Руската Федерација) влијаат на цените на енергијата, храната и така натаму“, истакна Песков, предвидувајќи дека Путин во својот говор секако ќе го допре ова прашање.
Во интервјуто за руската агенција Тасс, Песков објаснува дека „економијата стана заложник на политиката, а политичарите во многу земји направија огромен број грешки за време на коронавирусот“.
„Светот сега ја плаќа цената за овие грешки. Грешките беа влошени со економската војна што беше започната против Русија. Русија е преголема земја за војната против неа да не се врати да ги прогонува како бумеранг. И сега гледаме како сите овие ограничувања, санкциите што се воведени [против Руската Федерација], ги погодуваат цените на енергијата, храната итн. Ги гледаме резултатите од грешките на многу земји, кои се манифестираат со почетокот на кризата со храна. И така натаму и така натаму. Се разбира, невозможно е да не се зборува за тоа и сигурен сум дека претседателот ќе зборува за тоа (на меѓународниот економски форум)“ – вели Песков.
