Откако раперот Драгомир Депсиќ Десингерица и композиторот Драган Стојковиќ Босанац беа потврдени како дел од новата сезона на „Пинкови ѕвезди“, вчера им се придружи и пејачката Зорица Брунцлик.
Веста ја објави сопственикот на Пинк, Жељко Митровиќ, на својот Инстаграм профил, каде што сподели фотографија од потпишувањето на договорот со Зорица. Во објавата, тој исто така најави дека претстојат уште многу изненадувања, откривајќи голем број нови детали за претстојната сезона, која би можела да биде највозбудливата досега.
View this post on Instagram
– Ова беше најкомплицираниот договор, бидејќи рајдер листата беше како онаа на Лејди Гага и Мадона заедно. Требаше да бидам во бело кога го потпишувавме договорот… Станот каде што ќе се подготвува треба да биде обоен во розова боја и треба да биде полн со цвеќиња, којзнае колку цвеќиња… Во станот треба да има фризер и шминкер во секое време и секогаш треба да има двајца Филипинци да ѝ ги масираат стапалата, доколку е можно за време на програмата. Келнерот што ја услужува треба да носи превез за очи, розови ракавици и парфем Шанел Блу. Потоа побара да ѝ носат свежо цеден сок од тартуфи на секои половина час и секако да ја носиме до и од снимањето со хеликоптер. Мадона и Лејди Гага заедно не можеа да побараат таква рајдер листа, но Зоко, сè за тебе – изјави Митровиќ за „Пинк“.
