Една од најпознатите пејачки на регионалната музичка сцена, Светлана Цеца Ражнатовиќ, вчера наполни 52 години.
Многу луѓе се прашуваат кој е нејзиниот хороскопски знак, со оглед на тоа што таа речиси никогаш не зборувала за тоа, а особено не верува во астрологијата и е голем верник.
Родена во знакот на Близнаци, Цеца уште еднаш докажа дека годините за неа се само бројка, додека нејзината популарност и харизма не опаѓаат ниту по повеќе од три децении кариера.
– Кога бев дете правев натална карта, повеќе не верувам во тоа, сега верувам само во Бог. Мора да ги читате знаците покрај патот, тоа е важно – изјави таа еднаш за медиумите.
Цеца е родена на 14 јуни 1973 година во градот Житораѓа, а својата музичка кариера ја започнала многу млада, веќе на 15-годишна возраст. Оттогаш до денес, таа изградила статус на вистинска музичка икона на Балканот.
Да ве потсетиме, таа го прослави својот роденден во кругот на нејзините најблиски пријатели, а социјалните мрежи беа преплавени со честитки од нејзините обожаватели, пријатели и колеги од шоуто. Многумина ѝ посакаа уште многу години успех, здравје и инспирација да продолжи да создава музика што ги допира срцата на луѓето низ целиот регион.
