Оскарите се вратија дома – односно во театарот Долби во Лос Анџелес – со церемонија која се обиде, барем делумно, да ја повтори славата од минатото, кога беше следена од милиони гледачи.Одлуката да се елиминираат 8 категории од доделувањето на наградите за да се заштеди време, всушност, изгледа како важен механизам кој го потврдува она што Спилберг секогаш го повторувал -дека киното е „хорска“ уметност во која сите учесници имаат иста важност и иста тежина.
Оскарите за 2022 година го резервираа најсочното изненадување за крајот, кога филмот CODA ја „грабна“ статуетката, наместо очекуваниот филм „Моќта на кучето“ на Џејн Кемпион, за најдобар филм на годината.
Горко разочарување за „Моќта на кучето“ – филм кој од 12-те номинации мораше да се „задоволи“ со Оскар за најдобра режија на Џејн Кемпион, која веќе ја доби статуетката во 1994 година, но за оригинално сценарио. Со нејзината победа, Оскар е доделен на 2 жени за режија, втора година по ред, категорија која отсекогаш важела за монопол на мажите, со што сфативме дека ветрот во Холивуд се менува.
View this post on Instagram
Мали беа изненадувањата во категоријата за најдобар акте: како што се очекуваше, Вил Смит го доби првиот Оскар во кариерата за филмот Кралот Ричард – тој беше номиниран во минатото уште два пати во оваа категорија, за „Али“ на Мајкл Ман и „The Pursuit of Happiness“.
Многу емоции и за победата на Џесика Честејн која по три номинации конечно се качи на сцената да го земе Оскарот за најдобра женска улога. Нејзниот говор на благодарност пред сè се фокусираше на важноста да се биде уникатен, моќно оружје способно да се бори против осаменоста и депресијата во кои многумина од нас западнаа во последните две години поради пандемијата.
Општо земено, може да се каже дека тројното женско водителство на комичарките Ејми Шумер, Ванда Сајкс и Реџина Хол функционираше.
Еве ги сите победници на Оскарите за 2022 година:
Најдобар филм – CODA
Најдобра режија – Џејн Кемпион – Моќта на кучето
Најдобар актер во главна улога
Вил Смит – Кралот Ричард
Најдобра актерка во главна улога
Џесика Честејн – Очите на Тами Феј
Најдобра споредна машка улога
Трој Коцур – CODA
Најдобра споредна женска улога
Аријана ДеБозе – Приказна од западната страна
Најдобар саундтрак
Dune
Најдобро оригинално сценарио
Белфаст
Најдобро неоригинално сценарио
CODA
Најдобар звук Dune
Најдобра оригинална песна
„No Time to Die“ – Били Ајлиш и Финес О’Конел (No Time to Die)
Најдобар меѓународен филм
Drive my car
Најдобри визуелни ефекти
Dune
Најдобра фотографија
Dune
Најдобрa монтажа
Dune
Најдобра сценографија
Dune
Најдобра шминка и фризури
Очите на Тами Феј
Најдобар документарен филм
Summer of Soul
Најдобар анимиран филм
Енканто
Најдобар документарен краток филм
The Queen of Basketball
Најдобар краток филм
The Long Goodbye
Најдобар анимиран краток филм
The Windshield Wiper
