Откако беше откриен идентитетот на жената од Босна и Херцеговина, која полицијата во Штутгарт ја бара за кражба на милион евра, следуваат нови детали за нејзиниот живот.
Засега е познато дека Мирнеса С. е родена како Бешлиќ, по потекло е од Бусовача, а новинарите босински „Дневни аваз“ вчера го посетиле родниот град на нејзиот татко Исмет, кој починал минатата година. Во Бусовача семејството изградило огромна куќа во која доаѓае од време на време.
Мајката на Мирнеса моментално е во Германија.
Мирнеса има брат близнак и уште една сестра.
Мирнеса Бешлиќ од Бусовача ја крена цела Германија на нозе поради кражбата на повеќе од еден милион евра од фирмата во која работеше.
По неа трага полицијата на цела Европа, но никако не може да ѝ влезе во трага. Во Штутгарт е позната и по прекарот Мики, а пред да работи во компанијата за транспорт на пари работела како келнерка.
Како што се тврди, Мирнеса требало да ги пренесе парите од една на друга локација, но наместо до крајната дестинација, парите ги однела со себе на непозната локација и оттогаш и се губи секаква трага.
Полицијата на својата официјална веб-страница објави дека нуди награда во износ од 37.500 евра за да ја пронајде Мирнеса.
