За нешто повеќе од три недели, поточно на 25 октомври, Неда Украден ќе одржи концерт во Арена Загреб. Музичката легенда на 76-годишна возраст подготвува незаборавен спектакл.
Публиката ќе има можност да чуе и нова верзија на легендарниот хит „Зора је“, кој Неда го снимила во лондонското студио „Abbey Road“ со Кралскиот филхармониски оркестар.
„Дојдете на Арена добро да се забавувате, да ги заборавите сите грижи и разочарувања. Најдобриот лек на светот е добра песна и добро друштво. Ова нема да биде само концерт и неколку пресоблекувања, ова е многу, многу повеќе од тоа. Три часа музика, танц и емоции. Арената ќе биде круна на мојата кариера, вистинско шоу“, рече таа како гостинка на Дорина Дупланчиќ во емисијата „Екстра Дан“ на „Екстра ФМ“.
Иако нејзината кариера е обележана со безвременски песни, Неда признава дека нејзиното семејство е нејзиниот најголем успех во животот.
„Мојот најголем комплимент во животот е што успеав да одгледам прекрасна ќерка, Јелена, со магистерска диплома по право, и што денес имам внуци кои се смислата на мојот живот. Живееме заедно во бескрајна љубов, и црпам голема поддршка од нив“, признава Неда.
