По повеќе од една година врска, Рада Манојловиќ раскина со своето момче Владимир Ранковиќ. Иако многумина веруваа дека пејачката наскоро ќе стапне на лудиот камен, таа повторно е сингл.
Рада Манојловиќ повеќе од една година уживаше во врска со Владо, кој покрај тоа што ѝ беше емотивен партнер, беше и нејзин возач.
Иако ја најави венчавката, пејачката, како што пренесуваат српските медиуми, ставила точка на врската со Владо, кој ѝ бил десна рака.
Владимир учествуваше и во последниот албум на пејачката. Текстот за песната „Нисам дрогирана“ го напиша покојната Марина Туцаковиќ, која е заслужна за многу безвременски хитови, а вториот дел од текстот го напишал Владимир Ранковиќ. Иако сè навестуваше дека Рада наскоро ќе се мажи, сепак љубовта избледе.
– Влада е многу фин тип, Рада и тој одлично се сложуваа, но се виде дека има малку презаситеност. Прво беа соработници, па пријатели, а потоа се роди љубов. Таа никогаш јавно не признала дека е во врска со него, но ниту тоа не го демантираше. Кога нивната љубов беше објавена во јавноста, тие не можеа да ги сокријат емоциите – изјавил извор близок на парот, додавајќи:
– Немаше изневерување или лоша крв, нормално се разделија. Рада е тежок професионалец, нејзината работа бара многу енергија, а Влада сакаше други работи, тие ја немаа истата визија за иднината. Најтешко и е кога нема целосна слобода, тоа е она што не може да го поднесе.
