Нада Топчагиќ е позната по тоа што е секогаш единствена, како по изглед, така и по начинот на кој го живее животот.
Таа е долго време во шоуто, па не е чудно што често имала расправии со колегите, а една од нив, која ѝ пречела, била Зорица Брунцлик.
Зорица и Нада денеска се во добри односи и си ги решија проблемите, а пред неколку години пејачката во емисијата зборуваше што е проблемот.
– Го решивме тоа што го имавме и нема повеќе проблеми меѓу нас. Се познаваме речиси цел живот, заедно шетавме низ Југославија. Кога се расправам со некого, не можам долго да молчам бидејќи нема причина да не се дружиме. Сега кога ќе се видиме, ќе се бакнеме и прегрнеме – рече тогаш Нада, а потоа додаде:
– Нормално е пејачките да се караат меѓу себе, има суета како и во секоја работа. Порано многу колешки не ме сакаа, ниту ме трпеа бидејќи секогаш бев поинаква, специфична, пред своето време. Имав храброст, а кога си храбар тоа им пречи на многу луѓе.
Како што продолжила, најмногу ѝ пречел начинот на кој Зорица ја гледала.
– И Зорица ме гледаше попреку, порано беше злобна, но само додека не сфати дека сум добар човек. Секогаш беше на врвот и ги гледаше луѓето како да се под неа, но нејзиниот најголем проблем е што луѓето не знаат што е всушност Зорица и дека сето тоа е нејзината маска и одбранбен механизам, таа не е толку сурова како што изгледа. Деновиве ќе ѝ однесам ајвар, а кисели краставички ќе ѝ поклонам – заклучила Нада.
Дека денес меѓу нив навистина сѐ е во ред покажува и фактот што пред извесно време Зорица ја покани Нада да ѝ биде гостинка на концерт.
