Бејхан Рамов беше победник во една од сезоните на српското музичко натпреварување „Никогаш не е доцна“. Пејачот во моментот се наоѓа во проблем, бидејќи на неговата домашна адреса пристигнало писмо од Германија во кое пишува дека би можел да заврши зад решетки, пишува српски „Курир“.
Како што тој тврди, ова е местенка, бидејќи тој нема возачка дозвола, а во Германија последен пат бил пред три години.
Според документ издаден од администрацијата на покраината Сарланд, Бејхан наводно возел автомобил на 15 јули 2025 година, што е снимено со радар во местото Толеј, во близина на Сарлбруен, возејќи со 161 километар на час, што е за 41 километар повеќе од дозволената брзина.
– На мојата адреса, на моето име и презиме, пристигна казна дека сум возел автомобил во Германија и сум ја надминал дозволената брзина. Човекот што го познавав ги дал моите податоци за пречекорување на брзината и ме навел како возач на возилото. Инаку, работев кај него пред неколку години во Германија, затоа ги има моите податоци – рекол Бејхан Рамов за „Гранд“.
Како што вели, поради овој сообраќаен прекршок, ќе биде принуден да контактира адвокат.
– Луѓе, јас немам ниту возачка дозвола! Три години не сум бил во Германија. И сега треба или да платам или да одам во затвор? Ова нема смисла, навистина нема. Сега ќе одам кај адвокат затоа што дал лажни информации за мене – рекол Бејхан.
Правните експерти објаснуваат дека станува збор за злоупотреба на идентитетот, кривично дело што носи сериозни последици за лицето што ја извршило измамата во Германија. Додека не се разјасни случајот, Бејхан не мора да плати казна, а неговиот адвокат веќе подготвува документација со која ќе докаже дека тој не управувал со возилото.
