15.8 C
Скопје
09:42 - 29 март, 2024

(ФОТО) НА ГОЛМАНКАТА ВИТАНОВА САМИ Ѝ СЕ РЕДАТ КОЦКИТЕ: Во фудбалот останувам засекогаш, но сега во друга улога!

Витанова е пред нова животна патека. Секогаш насмеана и полна со позитивна енергија, себеси се смета за лик на кој секогаш му се редат коцките сами по себе. И многу е расположена за нови предизвици.

Разговараме со македонската голманка Весна Витанова, која живее во Малта каде ги бранеше боите на „Свиѓи“ од Малта. Завчера на социјалната мрежа Фејсбук, Весна  објави:

„По 15 годишно активно играње фудбал крајот не можеше да биде поубав, опкружена со најдобрите од малтешкиот женски фудбал. Престиж е самото појавување на номинациите, каде што го процениле мојот труд и потенцијал во изминатите години и ме избраа да бидам дел од елитата. Среќна и благодарна го завршувам фудбалското искуство со најубави моменти врежани во срцето за цел живот“.

приватна архива

 Зошто ја донесе одлуката да се повлечеш од фудбалот?

– Од фудбалот не се повлекувам, се повлекувам само од активното играње. Одлуката е само да прекинам со тренинзи кои ги обавував во сите изминати години, редовно и без отстапки. Инаку, од фудбалот не се повлекувам дефинитивно бидејќи и тоа што го работам во изминатите 6 години во Малта каде сум репортер за една компанија од Малтешката Премиер Лига, е фудбал и само фудбал. А тоа беше една и од причините за самото доаѓање на островот. Јас сум и лиценциран тренер на УЕФА и ФИФА, така што дефинитивно во фудбалот останувам засекогаш, но сега во друга улога. Затоа и не сметам дека се повлекувам од фудбалот, туку започнувам нова дружба со фудбалот, на друго ниво.

Во Малта е ангажирана и како репортерка, фото – приватна архива
Со синчето Лео, фото-приватна архива

Дали оваа одлука го става под знак прашање твојот престој, како и престојот на семејството, во Малта?

– Не, никако! Мојата одлука за престанок на активното играње нема никаква врска со мојот статус во државата. Јас сум жител на оваа земја со регулиран статус по сите параметри и со сите обврски, како и бенефити кои ги нуди островов. Фудбалските тренинзи ми беа едно хоби, катче каде што можев да се исклучам од секојдневните понекогаш и хаотични ситуации кои ги носи денот и работните обврски и да си посветам време за себе. А тоа го сметам за едно од најважните елементи, да си имаш и време исклучиво за себе, на начин кој те чисти и смирува. Мојата фудбалска медитација. Со обврските околу Лео, дома и работа, едноставно имав потреба од физичка активност, а од друга страна добивав и мотивација која пак ме стимулира да бидам подобра во секој поглед.

Со што понатаму планираш да се занимаваш во животот, на што ќе ја насочиш целата твоја енергија?

– Секогаш имам интересни идеи и фантазија и секогаш си ги реализирам, порано или подоцна, но, ретко гледам долгорочно на работите. За сега приоритет ми е да земам здив, да уживам во летото, во морето. Како што реков, скоро три години тука, пет ноќи во неделата бев отсутна – поради тренинзите- и сакам да уживам со детето, да заспиваме заедно секоја вечер со различна приказна. На еден начин мојата енергија засега е насочена кон него.

Уживам во овие месеци без вечерните фудбалски обврски, а се радувам и што поддршката ја имам од сите страни. И исто така се сметам за лик кому секогаш коцките му се редат сами по себе. И секогаш сум расположена за секакви позитивни предизвици, па така и во сегашнава одлука и мојата нова патека низ животот, без активни задолжителни секојдневни фудбалски тренинзи.

приватна архива

Јасмина Кантарџиева Димков

Фото – Приватна архива

Слични објави

Шокантни детали за Шарлин и Алберт од Монако: Таа троши како луда, а тој ги плаќа и љубовниците

еспресо

Астропрогноза за петок, 29 март: На Бикот ќе му се врати старата љубов, Лавовите ќе бидат кралеви на денот

еспресо

Дожд од пари: Три хороскопски знаци конечно ќе го решат финансиското прашање

еспресо

Харис Џиновиќ ја отвори душата: „Таа побегна, ни со децата немаше контакт, баш добра мајка!“

еспресо

(Видео) Миа Костова стана жртва на измама: Не рекламирам чаеви за слабеење, не наседнувајте на лажни реклами

Еспресо

(Фото) „Моите деца ме подмладуваат“: Симона Поповска го прослави 32. роденден со семејството

Еспресо
Се вчитува....