Симптом за време на менструацијата што НЕ СМЕЕ да се игнорира
Секој почеток на менструалниот циклус е придружен со грчеви, понекогаш помалку болни, а понекогаш повеќе. Некои жени страдаат помалку од болка, додека не е мал бројот на оние кои не можат да ги издржат првите денови од менструацијата без аналгетици. Поради природата на овој процес, што е нормално за човечкото тело, жените генерално очекуваат болка, што може да предизвика симптомот на ендометриоза да остане незабележан.
Ако во одреден момент почувствувате екстремно силни менструални грчеви кои се неподносливи и болката се јавува на неколку места, причината може да биде оваа болест. Покрај тоа, ендометриозата е една од петте болести кои најчесто се дијагностицираат години по појавата на симптомите!
Ендометриозата се карактеризира со раст на мукозната мембрана, односно ендометриумот, надвор од матката, каде што нормално се наоѓа. Тоа е хронично заболување кое е поврзано со циклични промени во стероидните хормони, и иако гинеколозите тврдат дека не е толку подмолно како што изгледа, сепак, еден гинеколошки преглед годишно не е доволен за да се открие навреме. Обично, големите промени може да се видат на ултразвук, додека помалите се откриваат со лапароскопска метода.
Се верува дека ризикот од развој на ова нарушување е поголем кај жените кои ја добиле првата менструација пред 11 -годишна возраст, нивниот циклус трае помалку од 27 дена и крварат подолго од седум дена, користат тампони, не користат орална контрацепција и имаат генетска предиспозиција за ендометриоза.
Најчестите симптоми се: многу болна менструација, болка за време на сексуален однос и дефекација, обилно крварење за време на циклусот, болка во долниот дел на стомакот надвор од менструацијата, менструални нарушувања, крварење помеѓу циклуси и неплодност.
