Во ова е убедена писателката и експерт за кралски семејства Тина Браун: „Дури и ако Хари ги поправи односите со неговиот татко Чарлс и неговиот брат Вилијам, таа нема да го следи назад во Лондон, затоа што ја мрази Англија“.
„Верувам дека Хари ќе се врати дома по смртта на кралицата за да ѝ служи на својата земја“, рече Браун во подкастот „Sway“ на Њујорк Тајмс, кој го презеде Дејли Меил, „и исто така верувам дека кралското семејство ќе најде начин повторно да го примат. Но, се сомневам дека Меган ќе го следи: таа воопшто не ја сака Англија.
Кога, на пат кон Игрите Invictus, Хари и Меган отидоа во Виндзор непосредно пред Велигден, кралицата Елизабета ги покани и двајцата, со нивните деца Арчи и Лилибет Дијана, на балконот на Бакингемската палата за настанот Trooping the Color кој ќе се случи во јуни. Па дури и принцот Чарлс – според добро упатените – е подготвен повторно да ги отвори вратите на куќата за „блудниот син“ и неговото семејство. Хари, сепак, веднаш по празниците даде интервју за една американска телевизија во кое повтори дека тешко дека ќе биде во Лондон на платинестиот јубилеј на кралицата „бидејќи сè уште има проблеми поврзани со безбедноста“, играјќи повторно на картата на двосмисленоста. Тој истото тоа објаснување го даде и за отсуството од важниот помен на неговиот дедо Филип, а експертите тоа го дефинираа како „патетично оправдување“.
„Заминувањето на Хари остави празнина во семејството. И Британците исто така претрпеа многу поради Мегксит: Хари отсекогаш бил многу сакан, а исто така беше поддржан кога ја избра Меган, која веднаш беше обожавана од нејзините поданици“, продолжи Браун. „Кралицата е стара и изнемоштена, поканата на балконот на Бакингемската палата е за сите блиски членови на кралското семејство, но, Меган и Хари се искрено малку премногу мелодраматични, а нивното заминување нанесе само штета“.
Во реалноста, според авторката на The Palace Papers: Inside The House Of Windsor – The Truth And The Turmoil, сите очекувале дека Хари порано или подоцна ќе го напушти Лондон: „Тој отсекогаш бил кревок и раздразлив, но исто така несреќен: тој отсекогаш ги трпел ограничувањата на неговата улога на принц“.
Сепак, посетата на кралицата може да се прочита како сигнал за помирување: „Тоа е претпазливо зближување“, вели Браун, „Не исклучувам дека денот кога кралицата повеќе нема да биде таму, ќе биде изготвен нов документ за повторно да се прими Хари во кралското семејство, на некој начин. Вистинскиот проблем е што војводите од Сасекс сакаат да заработат пари и тоа создава конфликт на интереси. Пари кои доаѓаат, на пример, од милионерските договори со Spotify и со Нетфликс на кој наесен ќе ја емитува серијата The Crown и познатото интервју на Дијана за Би-Би-Си кое Вилијам би сакал никогаш повеќе да не се емитува ниту на ТВ ниту на друго место.
