Пејачката Марија Шерифовиќ кон крајот на претходната година ја оствари најважната улога во животот кога го доби наследникот Марио. Таа не крие колку ужива во мајчинството, а своите следбеници на социјалните мрежи речиси секојдневно ги известува за тоа како го поминува времето со својот син.
Сепак, таа не зборува многу за наследникот во јавноста, а сега направи исклучок и откри како успева да ги балансира мајчинството и кариерата.
– Голем предизвик е! Колку и да бев подготвена за нов живот и различни приоритети, заедно со големата љубов што ми ја донесе Марио, имаше и многу лични предизвици. Но, не се жалам, уживам во секоја секунда – рекла пејачката и открила дали размислувала како на Марио ќе му објасни зошто расте во поинаква семејна средина во споредба со традиционалната.
– Кога ќе дојде време, ќе дадам сѐ од себе да го подготвам за сите околности. Мислам дека за секое дете најважно е да расте во љубовна средина – рече Марија , додавајќи:
– Мојот најголем сон се оствари и се вика Марио. Отсега јас и син ми сонуваме заедно.
Марија открила и дека многу ѝ значат советите кои ги добива од други и поискусни мајки.
– Многу ми значат позитивните и искрени коментари кои ги добивам од моите следбеници. Морам да признаам, имаше и практични совети кои ги применив. Отсекогаш сум имала многу близок контакт со мојата публика, така е и сега – додаде таа.
