Српската инфлуенсерка Ања Благојевиќ, позната како Ања Бла, и девојка на познатиот јутјубер Богдан Илиќ, познат како Бака Прасе, е секојдневно активна на социјалните мрежи
Таа постојано зборува на различни теми, а сега проговори и за нејзините здравствени проблеми.
Ања откри дека долги години се соочува со полицистични јајници, а се започнало кога имала само 13 години.
„Ќе почнам да објавувам содржини поврзани со полицистични јајници. Што јадам, какви суплементи користам итн. Бидејќи пијам многу суплементи и тоа е сложена тема, ќе има многу видеа и приказни…“, започна Ања.
„Што се однесува до исхраната , накратко, најважно е да се елиминираат јаглехидратите. Не е одржливо да ги исфрлиме засекогаш, се разбира, ниту треба. Но, пократок временски период е добар, за чистење на телото. Ги исклучив две недели и потоа полека повторно ги воведов. Сега јадам јаглехидрати со низок гликемиски индекс, а оние со висок гликемиски индекс ги избегнувам што е можно повеќе. Прочитајте малку за тоа на интернет, но наскоро ќе направам и видео на оваа тема. Плус многу важна работа е да се јаде многу зеленчук, кој искрено никогаш не го јадев. Па, навистина ми е тешко…“, изјави инфлуенсерката.
Тогаш Ања откри какви симптоми имала и истакна дека кај секого може да биде различно. Некој може да ги има сите симптоми, а некој само еден. Еве кои ги издвоила: цисти на јајниците, нередовни менструации, акни, замор, опаѓање на косата, отпорност на инсулин и покачено ниво на тестостерон.
За жал, Ања овој проблем го добила на многу млада возраст:
„Менструалниот циклус го добив на 12 години, а веќе на 13 ми падна половина од косата и косата стана исклучително тенка и брановидна, а имав густа и права коса. Тоа беше првиот симптом , но секако не бев свесна за тоа во тој момент. Од 15 години менструацијата ми стана неправилна и дури на 17 години направив ултразвук и видов дека се полицистични. И оттогаш, одвреме-навреме го решавам проблемот, а потоа повторно се враќа и така во круг“, раскажа таа.
