Поп-пејачката Марија Шерифовиќ денеска го слави својот 40-ти роденден, а во изминатава година ѝ се случија различни промени во животот.
Марија по повод денешниот роденден веднаш се огласи на социјалните мрежи, а покрај емотивната порака, таа објави и фотографии со синот Марио од кој е неразделна.
View this post on Instagram
– Четириесет години… Патување исполнето со предизвици и победи! Секоја година ми даде нешто скапоцено – лекции, љубов, сила, а понекогаш и тишина што ме потсети колку е важно да застанам и да бидам благодарна. Но, најголемиот подарок што може да ми го даде животот е – мојот син.
Моето сонце и најубавите зраци. Мојот мал прч и принц. Мојот мал учител. Тој е причината зошто секој момент добива длабока смисла. Му благодарам на животот за сите искуства, за сите луѓе кои поминаа низ мојот свет, за секој момент што ме обликуваше. Оние кои го сочинуваат мојот живот денес се сè што ми треба. Нека следните четири децении бидат уште подлабоки и уште поблиску до она што навистина значи да се живее. На секој чекор, со благодарност во срцето. На здравје – напиша пејачката.
