За врската на ковид со стерилитетот малку се зборуваше, но изгледа дека постојат реални ризици за стерилитет предизвикани од вирусот. Вниманието на научниот свет е насочено кон последиците од вирусот врз виталните органи, како што се белите дробови, бубрезите и срцето, ранливи на инфицираноста на SARS COV2. Сепак, како што е наведено во една неодамнешна студија објавена во ПабМед – треба да се земе сериозно предвид дека Ковид19 ќе нападне секаков вид на клетка во телото, вклучувајќи ги и сперматозоидите.
Последици врз сперматозоидите
Студијата го анализираше одржувањето на виталноста на сперматозоидите и нивната моќностза оплодување.
Репродуктивните последици од вирусот, во однос на плодноста, во моментов се непознати. Сепак, треба да бидеме свесни за можноста дека може да има репродуктивни последици од инфекција со КОВИД-19 кај млади мажи.
Влијанието на Ковид врз плодноста е потврдена и со друга студија објавена во Американското списание за епидемиологија.
Се намалуваат шансите за зачнување дете кај паровите во кои мажот бил заразен со коронавирус во претходните 60 дена: болеста, всушност, може да има последици врз плодноста кај мажите.
Уште една студија тврди дека лицата кои имале умерено-тешки и тешки симптоми на ковид, покажуваат негативна промена во плодноста. Според тоа, SARS COV 2, влијае на подвижноста и виталноста на сперматозоидите. Оваа студија анализирала податоци направени на околу 69 пациенти. Од друга страна, вакцинираните лица го намалуваат овој ризик кој го остава Ковид врз плодноста.
