Пејачот Ненад Кнежевиќ Кнез потврди дека бил уапсен во Германија, откако полицијата го помешала со колумбиски наркобос.
Кнез, кој сега ужива во љубовта со занесната русокоса, раскажа како завршил зад решетки во Германија ни крив, ни должен.
– Точно е, тоа беше во 1994 година во Германија. Зборував за тоа, таму беше Задушница и ме уапсија затоа што изгледав како колумбиски наркобос. Се сеќавам, се шетав со другарите и одеднаш зад еден трговски центар се појавија шест полициски автомобили, веднаш ми ставија лисици и завршив два дена во затвор – раскажа Кнез во емисијата „Амиџи шоу“, па откри дека дури татко му морал да дојде од Црна Гора за проверка на идентитетот.
Мојот покоен татко мораше да патува од Црна Гора во Гелзенкирхен, бидејќи мислеа дека мојот пасош е лажен, па мораше да го потврди мојот идентитет. Се сеќавам на моментот кога конечно ме пуштаа, а тој ме гледа преку стаклото и ми вели: „Ќе ми платиш за ова!“ – низ смеа изјави пејачот.
