Јелена Карлеуша синоќа одржа концерт кој ќе остане запаметен во градот Суботица и неговата околина по рекордниот број на луѓе собрани на градскиот плоштад.
Ѕвездата на вечерта најпрвин присуствуваше на приемот што ѝ го приреди градоначалникот на Суботица, Стеван Бакиќ, а потоа по прес-конференцијата за насобраните медиуми се упати кон Плоштадот на ослободувањето. Иако во некои медиуми со денови се споменуваше протестот на одредена група граѓани на кои им пречеле политичките убедувања на Јелена, поп дивата уште еднаш докажа дека ѝ нема рамен во работата.
View this post on Instagram
Во долг бел фустан со потпис на познатиот Тиери Муглер вреден 2.500 евра, ЈК играше и пееше повеќе од два часа на луѓето кои ја наградија со скандирање на нејзиното име, рози, транспаренти и плишани играчки. Во еден момент, трогната од овациите на публиката, Карлеуша се спушти во публиката и запеа заедно со неа.
На самиот крај од концертот на сцената излезе градоначалникот и на Јелена ѝ подари корпа цвеќе и подароци по кои е позната Суботица, а потоа следеше величествен огномет.
