Поп дивата Јелена Карлеуша синоќа настапи во преполната сала на хотелот „Вучко“ во Јахорина. Таа со своите безвременски хитови ја загреа атмосферата, а публиката заедно со неа ги пееше речиси сите песни, и од старите и од новите албуми „Алфа“ и „Омега“.
Карлеуша час пред полноќ се појави во хотелот во брутално издание – облече тесен комбинезон со ефективен, колоритен дезен, кој ја истакна нејзината витка линија и бујните атрибути.
Видно расположена Карлеуша даде изјава за српски „Телеграф“ пред почетокот на настапот.
Покрај бројните теми, Јелена ја зборуваше и за својата колешка, регионалната ѕвезда Лепа Брена, која неодамна доживеа несреќа на концерт во Загреб, кога снимателот падна врз неа.
Пејачката се здобила со скршеница на ногата, поради што била оперирана, а потоа, еден ден подоцна била пуштена на домашно лекување, а сега е во Белград, во својата вила на Бежанијска коса.
Карлеуша ги имаше најубавите зборови за поддршка на Брена. Таа посочи дека треба да ја осигураме и заштитиме, бидејќи е склона на повреди.
– Забележав дека Брена е склона на повреди, малку, малку, па гледам дека има некаква повреда. Брена треба да биде заштитена и осигурана, за секоја сцена – нозе, раце, глава… Затоа што е склона на повреди, а тоа едноставно не смееме да го дозволиме, бидејќи таа е национално и балканско богатство – рече Карлеуша и додаде:
– Нашата работа не е толку лесна, да излезеш и да пееш. Сè се случува таму. Уште поекстремна сум во таа смисла, имам продуцент кој сака да ме обесува на ѕвезда, снегулка, знаци… – низ смеа изјави Јелена Карлеуша.
