Откако беше деактивиран Инстаграм профилот на Јелена Карлеуша, се огласи Здружението „Еко стража“, кое неодамна покрена петиција за затворање на нејзиниот профил.
„Почитувани следбеници, објавуваме соопштение во врска со падот на инстаграм-профилот на Јелена Карлеуша по неколку часа, пред сѐ затоа што ни требаше потврда дека профилот е навистина избришан и дека тоа не е нејзин личен трик да нѐ измами сите. Имаме потврда дека профилот е навистина избришан и дека ЈК избезумено лелека цел ден обидувајќи се да го врати, како и да преземе некои профили на обожаватели за да продолжи да ботира од нив“, започнаа тие.
View this post on Instagram
Понатаму изјавија дека не знаат дали ќе успее да го врати профилот, но бидејќи и самите се во ИТ и познаваат луѓе поврзани со компанијата МЕТА (преку кои, ја „туркаа“ петицијата и барањето), според нивните тврдења, дури и ако успее да го врати профилот, секој нареден пат ќе може да се урне полесно и побрзо, додека конечно не се избрише трајно.
„Втората причина што чекавме пред да се огласиме е тоа што сè уште не ја знаеме конечната причина за падот на нејзиниот профил. Знаеме дека тоа е прекршување на упатствата на META, но голем број луѓе се ангажирани да ја симнат веќе некое време“, објавија тие.
На крајот им се заблагодарија на своите соработници и на сите останати кои го пријавија профилот на Карлеуша.
