Миле Китиќ и Марта Савиќ решија да вложат милиони во нов бизнис што го започнуваат во Доминиканската Република.
Покрај тоа што поседуваат апартмани кои ги изнајмуваат на туристи на ова егзотично место, Марта и Миле сакаат да отворат ресторан со традиционална кујна.
Тие купија недвижнина во Пунта Кана во вредност од 300.000 евра, а сега сакаат да развијат и нов бизнис.
„Марта Савиќ и Миле Китиќ имаат одличен инстинкт за добар бизнис. Тоа на сите им е познато, а тие двајца се добитна комбинација во секој поглед. Марта купи недвижнина во Пунта Кана и почесто престојува таму отколку во Србија, а Миле ја посетува од време на време. Одлично функционираат, а неодамна дојдоа на идеја да се испробаат и во угостителството. Бидејќи оваа дестинација е рај за туристи од целиот свет, првично планираа да отворат дискотека на отворено, но потоа решија да ги пренасочат парите и да инвестираат во ресторан. Туристи од целиот свет доаѓаат во Доминиканската Република, особено луѓе од нашите простори кои живеат и работат во странство и доаѓаат тука на одмор. Со оглед на тоа, Миле разговараше со пријатели кои добро го познаваат овој бизнис и решија да се испробаат како угостители, бидејќи туристи доаѓаат преку целата година“, открива извор.
Миле и Марта исто така планираат да настапуваат во својот локал.
„Тоа е дел од нивниот план. Ќе настапуваат во својот ресторан, организирајќи вечери за пријателите и гостите. Миле е омилен пејач на многу генерации и сигурно ќе направи одлична атмосфера за туристите“, додава изворот.
Покрај Марта, која често патува во Доминикана, и нивната ќерка Елена е голем љубител на оваа дестинација. Таа не крие дека обожава да го посетува ова место и редовно објавува фотографии од своите одмори таму.
