Јелена Розга минатиот месец ја заврши својата музичка бајка во Белград, настапувајќи во Сава Центар. Распродаде седум концерти, со што уште еднаш потврди дека е голема регионална ѕвезда која, и по 29 години кариера, ја воодушевува својата публика.
По успешните настапи, Јелена изјави за српските медиуми дека мора да се „позанимава со своето здравје“, бидејќи резултатите од нејзината тироидна жлезда не се добри. Ја прашавме како сега стојат работите со нејзиното здравје.
„Малку се одморив, добро сум. Ме видовте на сцена, уживам, полна сум со енергија, секогаш ми е убаво со мојата публика. Толку многу ја сакам својата работа и толку многу сакам да бидам на таа бина. Сè е добро додека сум со нив. Во моментов се посветувам на своето здравје, ситуацијата не е најдобра, но ќе биде сè во ред, работиме на тоа“, ни изјави таа за време на викендот и додаде:
„Ништо не ме нервира. Единствено ме лути што моето здравје не е како што јас би сакала и што не ме слуша како порано. Но, навистина се трудам да живеам здраво, да спијам доволно и да се одмарам. Сепак, стресот понекогаш си го прави своето, но јас не се предавам“, истакна таа.
Инаку, Јелена во петокот настапи на доделувањето на наградите „Цесарица“ и освои статуетки за хитови во април и јули. Ова беше нејзиното прво појавување во јавноста по шпекулациите дека ќе се мажи за композиторот и музичар Иван Хуљиќ.
