Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Денес Теа ни зготви карфиол со три вида кашкавал.
– Интересен рецепт за сите оние кои сакаат лесен, здрав, брз и вкусен појадок, без брашно! – ни објаснува Теа.
Потребни состојки:
1 карфиол средна големина3 јајца125 гр. моцарела100 гр. гауда100 гр. кравји кашкавал2-3 чешниња луксвеж магдоносбосилек (опционално)ориганосув зачинсол и бибер
Начин на подготовка:
Карфиолот изрендајте го или изблендирајте го. Во длабок сад измешајте го со јајцата, ситно исецкан лук, изрендани гауда и кравји кашкавал и зачините. Оваа смеса префрлете ја во тавче обложено со хартија за печење и печете во загреана рерна на 200 степени 15-20 минути. Кога ќе почне да се запекува извадете го тавчето од рерна, одозгора наредете ја моцарелата и вратете во рерна да се стопи моцарелата. На крај наросете ситно исецкан магдонос.
Исецкајте на ленти и уживајте! На здравје!
