Раперот Канје Вест е познат како егоцентрик, но многумина веруваа дека барем кога станува збор за негова поубава половина, тој знае да се грижи и за другите. Судејќи според најновите снимки на познатиот пар, очигледно тоа не е така.
Дури два пати претходната недела Канје се однесуваше неџентлменски спрема Ким Кардашијан, а нејзините фанови се огорчени и лути поради тоа што раперот, со кој има четири деца, ја доведе до таква непријатна ситуација во јавноста.
Прво Канје не го возврати бакнежот на кошаркарскиот натпревар кога се најдоа во кадарот на камерата. Многумина го критикуваа за овој потег и очигледно беше дека ријалити-ѕвездата се чувствуваше многу непријатно, но цело време ја прекриваше емоцијата со изнудена насмевка.
lmao now why he ain’t kiss her back ? pic.twitter.com/oIVIXcMxvt
— trey 〽️ (@trey_forde) February 17, 2020
Вториот „инцидент“ предизвика уште една полемика. Друштвените мрежи беа преплавени со снимката од нивниот одмор во Париз на која парот се бакнува за време на возењето во лифт, а потоа Канје излегува и ја остава сопругата сама да ги носи кесите, дури не ни застана да ѝ ја придржи вратата.
