Најдобриот германски тенисер на сите времиња и денес жител на Лондон, се обиде да сорие пари и други скапоцености во вредност од 2,5 милиони фунти во стечајна постапка со намера да го избегне плаќањето долгови и беше осуден на две години затвор. Како ги заработил и на што ги потрошил парите?
Германскиот тениски великан Борис Бекер имаше се, а денес, гледајќи ја финансиската страна, нема речиси ништо. 54-годишникот прогласил банкрот пред неколку години, но сега оди во затвор поради затајување имот. Во приватна стечајна постапка, тој, меѓу другото, прикрил недвижен имот во родниот Лејмен и акции со вкупна вредност од над еден милион евра. Ова претставува само мал дел од она што некогаш го поседувал, а неговото богатство во еден момент изнесувало околу 120 милиони евра.
25 милиони заработка од турнири
Во својата тениска кариера од 1984 до 1999 година заработил точно 25.080.956 долари. Најголемата поединечна победа ја забележал со освојувањето на Гренд слем купот во Минхен во 1996 година, за кој бил платен 1,785 милиони евра, додека 1,1 милион евра му донела победата на АТП Светското првенство во Франкфурт во 1995 година.
Борис Бекер е 14-тиот најплатен тенисер во спортот. Неговиот прв триумф на Вимблдон во 1985 година му донел договор со „Пума“ вреден околу 10 милиони евра. Продажбата на тениски рекети експлодирала благодарение на озлогласеноста на Бекер, а договорот престанал во 1989 година. Може да се претпостави дека тој тогаш потпишал слични договори со други спонзори кои му донеле околу 30 милиони евра. Дополнително, приходот од ревијалните натпревари и германскиот тим за Дејвис купот е проценет на 15 милиони евра.
Договори за рекламирање
Бекер бил барано лице за рекламите во неговите активни денови. Во стечајната постапка е проценето дека приходот од ваквите ангажмани е приближно еднаков на парите од некоја награда. По завршувањето на спортската кариера соработувал со Мерцедес, Кока Кола, Филипс, разни покер сајтови, Медиа Маркт… Приходите од сето тоа се проценуваат на уште 25 милиони евра.
Тренерската работа со Ѓоковиќ
Бекер му беше тренер на Новак Ѓоковиќ од 2013 година. Го тренираше до 2017 година, а се зборува дека неговата плата била околу 800.000 евра годишно.
ТВ коментатор
View this post on Instagram
Откако се збогуваше со активната кариера, Бекер стана добредојден гостин во медиумите. Тој коментирал тениски натпревари за платените ТВ емисии Премиер и ДСФ, за британскиот Би-Би-Си и од 2017 година за Еуроспорт. За неговото тениско известување, Бекер, меѓу другото, ја доби и германската ТВ награда за најдобра спортска програма во 2018 година. Покрај тоа, во 2004 година настапувал во шоуто „Бекер 1:1“, а во 2006 година се натпреварувал во спортски квизови против аматери во „Софадуел“. Има настапувано и во различни квизови во Германија и Велика Британија.
За неговиот ангажман во Еуроспорт се знае само дека добивал по 100.000 евра по турнир. Со трите Грен слемови што ги коментирал годишно, тоа се 1,5 милиони евра. Покрај тоа, Бекер објавил две автобиографии за кои се вели дека заработиле околу 500.000 евра.
Љубовните авантури скапо го чинеа
Скапо го чинела Бекер врската за една ноќ во 1999 година со Ангела Ермаков. Во 2001 година, откако првично го негирал татковството, тој ветил еднократна исплата од шест милиони евра и месечна алиментација од 5.100 евра на неговата поранешна сопруга Барбара Фелтус. Тука е и еден од неговите редовни трошоци – изнајмување стан во Лондон, за што плаќал 35.000 евра месечно.
View this post on Instagram
Лош бизнис со автомобилите
Тогашниот менаџер на Бекер, Јон Тиријак, имал идеја да инвестира дел од имотот во три салони за автомобили Мерцедес-Бенц во Мекленбург-Западна Померанија. Бекер платил двоцифрена милионска сума во 1993 година, но во тоа време парите сè уште биле во германски марки. Во 2015 година салоните пријавиле само минимална добивка годишно, но и долгови од 9,4 милиони евра. Во 2017 година, тој продаде сè на компанијата Autohaus Brinkmann GmbH од Güstrow по непозната цена.
Затајување данок
Во 2002 година, Бекер бил осуден на условна и парична казна од вкупно 500.000 евра за даночно затајување на регионалниот суд во Минхен. Тој, исто така, морал да плати три милиони евра заостанат данок што го избегнал во периодот од 1991 до 1995 година, кога бил официјално регистриран во Монако, но живеел во Минхен. Олеснителна околност било тоа што веднаш ги платил даночните долгови.
Лоши инвестиции во Нигерија
Бекер потрошил многу пари во Нигерија. Документите од платформата за откривање податоци Фудбал Ликс, специјализирана за фудбалери, покажаа во 2017 година дека инвестирал пари во нафтени извори во Африка од 2013 година. Не се знае колку пари изгубил, а документите говорат за милионски износи. Не е јасно како точно изгледале овие инвестиции, но нивната загуба на вредноста наводно била одлучувачки фактор за банкротот на Бекер во 2017 година.
View this post on Instagram
Борис Бекер во еден од НАЈЛОШИТЕ ЗАТВОРИ: Ќелии полни со глувци, бел ден не се гледа, кошмар!
