Си замина италијанскиот милијардер Леонардо Дел Векио, но едно од најпоставуваните прашања е кому оди наследството?
Визионер, брилијантен претприемач, пријател на многумина и неверојатен човек. Со овие зборови Luxottica официјално се збогува со основачот Леонардо Дел Векио. А светот се прашува кој ќе го собере наследството. Помеѓу индустриските бизниси и финансиите тој остава наследство во вредност од над 30 милијарди, капитално богатство, кое треба да се подели меѓу наследниците: шест деца од три различни придружнички. Тоа се компаниите: ЕсилорЛуксотика (32,2%), Ковивио (27,2%), Медиобанка(19,2%), Џенерали (9,82%) и Уникредит (1,9%).
It is with a heavy heart that we announce the passing of our Chairman, Leonardo Del Vecchio. Today, the world has lost a visionary: an entrepreneurial genius, a good friend to many, and an all-round incredible man. pic.twitter.com/hWl8YGS0F2
— Luxottica (@Luxottica) June 27, 2022
Претприемачот пред смртта подготвил упатство за водење на компаниите и распределба на функциите и на имотот, со помош на адвокатот Серџо Ереде, за да ги обезбеди компаниите и финансиските акции од можни семејни спорови. „Клучот“ на холдингот Делфин, со седиште во Луксембург, му го доверил на Франческо Милери, менаџерот со голема доверба кај основачот на Луксотика и поранешен извршен директор на Essilor-Luxottica, кој исто така се очекува да го води Делфин.
It is with a heavy heart that Mr Armani remembers his great friend Leonardo Del Vecchio, founder of Luxottica, who passed away today at the age of 87. pic.twitter.com/1hyHyL3DOb
— Armani (@armani) June 27, 2022
Шесте деца на Дел Векио наследуваат 12,5% од капиталот на финансиската компанија Делфин, а неговата сопруга Николета Зампило 25%, ова го објаснува во извештај Морган Стенли.
Првите три деца, Клаудио, Мариса и Паола, се родени од бракот со неговата прва сопруга Лусијана Нерво. Сегашната сопруга Николета Зампило, мажена двапати, е мајка на Леонардо Марија. Од третата партнерка Сабина Гроси ги имаше Лука и Клементе.
#leonardodelvecchio è stato una LEGENDA ASSOLUTA dell’🇮🇹 e un FARO nell’industria 🕶.Nei diversi incontri che ho avuto il privilegio di fare mi ha insegnato la ricerca della perfezione.Un grande Abbraccio a tutta la sua Famiglia e in particolare al mio Amico Leonardo. RIP🙏🏻🙏🏽🙏🏽🙏🏿 pic.twitter.com/BpdJIlJvtG
— Lapo Elkann (@lapoelkann_) June 27, 2022
Статутот предвидува секоја одлука да има согласност од трите гранки на семејството. Потребно е и мнозинство од 88% за изборот на раководството. Во бордот на Делфин се Марио Нотари, Ромоло Бардин, Алојзе Меј и Џовани Џаломбардо, а ним ќе им се придружи и Милери. Статутот предвидува и 5-те директори на холдингот да бидат доживотни, освен ако поднесат оставки. Никој во семејството не може да ги замени, а акционерите интервенираат само за одобрување на финансиски извештаи и распределба на дивиденди, а не во други прилики. Дел од добивката автоматски се распределува на фондацијата Леонардо Дел Векио.
Финансиските акции на Дел Векио вклучуваат 19% од Медиобанка и 9,9% од Џенерали (3 милијарди евра). Експертите велат дека тој сакал уште да го зголеми уделот во Медиобанка, но би запрен од ЕЦБ бидејќи семејниот холдинг морал да ја промени својата корпоративна форма.
