Српската актерка Тамара Драгичевиќ има три деца со нејзиниот сопруг и колега Петар Бенчина, а и по три породувања може да се пофали со совршена фигура.
Тамара во една прилика откри како се храни и истакна дека секогаш е правило да не се јаде доцна, а лебот целосно го исфрлила од исхраната.
-Јадам сè, никогаш не сум била на диета. Фала му на Бога, не седам во канцеларија, туку постојано сум во движење и брзам и редовно настапувам во театар. Го исклучив белиот леб од исхраната и не јадам многу навечер. Тоа е единствената тајна на мојата фигура – изјавила актерката Тамара Драгичевиќ.
– Немам посебен режим на исхрана, но на летни температури најмногу сакам салати, ладен зеленчук, овошје. Ја сакам мексиканската и кинеската кујна. Многу сакам суши. Имав можност да ја посетам Кина и да пробам многу од нивните специјалитети. Бидејќи сакам да експериментирам и да пробувам сè, не можев да одолеам да ја пробам нивната позната супа од морски краставици во Кина, која многу ми се допадна. Кинеската кујна се базира на јака и зачинета храна, а куриозитет е што немаат десерти, служат само сладок компир како десерт. Инаку јас сум гурман и многу сакам топла и кисела храна, а на листата на омилени јадења ми се чварки, пача, џигер… Не сум пребирлива, јадам скоро сè. Мене готвењето на баба ми и мајка ми е ненадминато, нема подобар ручек од домашна супа и ринглајша. Кога ми дозволуваат обврските, сакам сама да готвам нешто и доста добро се снаоѓам за почетник. Поради мојата работа често немам време за тоа, па во тој случај рестораните ми се алтернатива – изјавила таа во една прилика.
Тамара истакна и дека редовно вежба и често вози велосипед, а љубител е и на скијањето.
