Не е јасно дали најбогатиот бизнисмен во светот е сериозен во намерата да поднесе понуда за преземање на клубот.
Милијардерот Илон Маск, сопственикот на Tesla и SpaceX, преку твит ја објави својата намера да го купи англискиот фудбалски тим Манчестер Јунајтед. Во твитот, богатиот претприемач, кој веќе не навикна на непредвидливи и провокативни изјави на социјалните мрежи, рече: „Јас го купувам Манчестер Јунајтед, добредојдени сте“. Не е јасно дали најбогатиот бизнисмен во светот е сериозен во намерата да поднесе понуда за преземање.
Also, I’m buying Manchester United ur welcome
— Elon Musk (@elonmusk) August 17, 2022
На истражувањето на АФП, ниту Тесла ниту раководството на клубот, контролирано од семејството Глејзер, не одговориле. Англискиот клуб, кој десет години котира на Њујоршката берза, има пазарна вредност од 2,08 милијарди долари.
Акциите што беа 12,78 долари (+ 0,08%) во вторникот изгубија 2,11% во е-трговијата. Иако ниту еден акционер нема мнозински пакет акции, Манчестер Јунајтед е под контрола на шесте деца на американскиот бизнисмен Малколм Глејзер, кој ја презеде компанијата во 2005 година, а почина во 2014 година.
Манчестер Јунајтед моментално е на последното место во англиската лига по два порази во два натпревари, далеку зад успешниот водечки двоец Арсенал и Манчестер Сити.
Што се однесува до Илон Маск, тој неодамна продаде акции во вредност од речиси 7 милијарди долари во неговата авто групација Тесла, бидејќи е во средина на правна битка околу неговиот неуспешен проект за купување на Твитер.
