Вторник, 3 ноември, е прогласен за Ден на национално сочувство во Хрватска по повод смртта на познатиот хрватски пејач Мате Мишо Ковач, одлучила Владата на денешната телефонска седница.
Денот на национално сочувство се одбележува со кревање на знамето на Хрватска на половина копје на сите згради каде што се сместени телата на државните власти и единиците на локалната и регионалната самоуправа, како и во зградите во кои се наоѓаат седиштата или се извршуваат дејностите на правните лица, односно во кои физичките лица вршат самостојна дејност.
За разлика од Денот на жалост, кој бара откажување на сите забавни и културни настани и прилагодување на радио и телевизиските програми, Денот на национално сочувство не подразбира откажување на претходно планираните манифестации и концерти.
Мишо Ковач почина во саботата, 31 октомври.
Мате Мишо Ковач е еден од најпознатите и најпопуларните хрватски поп-пејачи, чија кариера обележа неколку генерации.
