Хилари Даф на Инстаграм објави видео од судирот со фотографот кој ги фотографираше децата додека играа фудбал, помеѓу кој беше и нејзиниот син Лука.
„Папараци кои снимате деца, одете „вежбајте“ го фотографирањето на возрасни. Чудаци! Законите мора да се променат! Ова е демнење на малолетници. Одвратно“, напиша актерката покрај снимката која ја сними со својот мобилен.
Даф му пријде на фотографот и го праша дали познава некој на теренот, а кога ѝ одговори дека не знае, го замоли да престане да ги фотографира децата. Упорниот папарацо тврдеше дека тоа е легално и покажа дозвола, што не беше доволно за мајката на две деца. Тој ѝ одговори дека само вежба фотографија, а нејзината параноја ја нарече неоправдана.
„Ќе го споделам ова со моите 15 милиони пријатели на Инстаграм и ќе им дадам до знаење колку е морничаво тоа што си избрал да го правиш во сабота наутро“, порача Даф на снимката и тоа го направи.
