Лила Стојановска сношти за првпат јавно се појави со кратка коса на ревијата на која се отвори Саемот за венчавки, во хотелот „Александар Палас“.
Лила претходно проговори колку е среќна што го победила ракот, а на ревијата, ја покажа својата природна коса и доби комплименти од присутните за изгледот. Нашата позната водителка не облече венчален фустан како другите модели, беше уникатна во црн долг фустан и рекламираше накит.
Победнички чекорејќи на пистата, во еден момент накитот го покажа на специфичен начин, ставјќи ги рацете на вратот, со што со движење нагласи дека тоа е нејзината природна коса.
На Саемот инаку продефилираа и други наши познати дами. Маријана Станојковска која е дел од речиси секој Саем, блесна во богата креација, а многу внимание приблече и моделот Кристина Димитријевска, која му е поранешна сопруга на пејачот Даниел Кајмакоски. Кристина пред неколку години, по паузата повторно му се врати на манекенството, а во меѓувреме сними и неколку песни.
Едно од поуникатните појавувања имаше Сања Савеска, водителката на емисијата „Брза кујна“. Сања на пистата се појави со своето милениче Маша, за која потоа се грижеше нејзиниот партнер, Томи.
Женскиот дел на семејството „Црнокрак“ блесна на пистата. Прво Светлана, поубава од било кога, потоа помалата ќерка Нина која ги прави првите усспешни чекори во манекенството, а на крајот и Моника Црнокрак, постарата ќерка на Мики и на Светлана- добитничка на неколку интернационални титули за убавина.
Се појави и Миро Кацаров како машки модел, актерката Драгана Левенска и уште неколку познати личности и манекенки. Тазе исончана од одморот на Бали, настанот го водеше Ведрана Ѓорѓевиќ. Камерниот состав на Пламенка Трајковска го отвори настанот, а две песни испеа и Бојана Скендеровски, облечена во бел костум. Саемот е отворен до утре, за сите идни невести и младоженци.
Фото: Вангел Тануровски
