Синот на српскиот фолк пејач Драган Којиќ Кеба, Игор Којиќ, склучи граѓански брак со избраничката Софија Дачиќ на 3 јануари во Нов Белград, во тајност. Она што ги заинтригира сите е тоа што новата партнерка е дури 15 години помлада од него.
Иако Игор Којиќ цело време се обидуваше да ја сокрие својата партнерка од јавноста, неодамна одекна веста дека се оженил.
Игор и Софија засега го кажаа судбоносното „да“ пред матичар, а наскоро планираат и црковна венчавка. Во Нов Белград тајно направија граѓанска венчавка, но веста се прошири многу брзо.
Сопругата на Којиќ сега се огласи на социјалните мрежи и објави фотографија со провокативен стајлинг.
Атрактивната бринета објави фотографија во ултракраток фустан во тренди бордо боја, а тоалетата ја истакнала нејзината витка линија и долги нозе. Бидејќи во прашање е мини фустан, нејзините нозе и голо рамо дошле до израз.
Целиот стајлинг снаата на Кеба го заокружила со чевли со високи потпетици во иста боја.
На нејзиниот Инстаграм се појавија фотографии од парот како се забавува на приватна прослава, а друштво им правела сопругата на српскиот голман Милан Борјан, Снежана Борјан, која цело време танцувала со нив.
