Пејачката Неда Украден денеска го слави празникот свети Архангел Михаил, а како и повеќето луѓе, традиционално таа сака да учествува во подготовките за куќната слава.
Имено, Неда и покрај тоа што беше нашминкана и дотерана, реши да ги засука ракавите во кујната и да ја подготви сармата. Со помош од најблиските таа се пофали како подготвила две тенџериња со сарма.
Пејачката на својот инстаграм-профил објави фотографија и видео од целиот процес на готвење во кој учествувала и нејзината внука.
Инаку, Неда претходно проговори од каде го добила својот талент за готвење, таа откри дека сите во семејството сакаат да готват и да јадат, но најмногу научила за готвењето од нејзината мајка.
