Српската актерка Слобода Миќаловиќ неодамна дојде на премиерата на филмот „Јоргованите“ со накит вреден како стан во Белград!
Слобода. која важи за една од најубавите српски актерки, плени со својот изглед каде и да се појави, а за црвениот тепих одлучила да блесне во гала издание со накит од познат бренд.
Актерката се појавила во салата на МТС, на премиерата во рамките на 52. ФЕСТ, со сопругот Војин Ќетковиќ во долг, елегантен црн фустан, со романтична фризура и шминка во природни нијанси.
Иако не е позната по тоа што се расфрла со парите, овој пат сепак се случило да носи накит што ретко кој би можел да си го дозволи.
View this post on Instagram
Имено, една страница на Инстаграм која се занимава со накит ги објави овие вртоглави суми и ги зачуди обожавателите на актерката.
View this post on Instagram
Слобода носела два прстени, ѓердан и обетки од познат бренд, чија вредност надминува 100.000 евра.
Помалиот прстен чини 12.300 евра, обетките 7.200 евра, ѓерданот 31.000 евра, додека поголемиот прстен чини дури 53.600 евра!
View this post on Instagram
Не е познато дали актерката го купила овој накит, го добила или само го изнајмила за премиерата, што обично го прават многу познати личности, најмногу во Америка за време на големите настани како доделувањето на Оскарите, Златен глобус, Мет Гала и слично.
