Пејачката Дијана Јанковиќ, попозната како Диди Џеј, се пофали дека нејзината фотографија е на огромен билборд на Тајмс Сквер во Њујорк.
Имено, Диди со години ја гради својата кариера во Америка, а сега се пофали дека светската слава ѝ е на дофат.
Таа сними нова песна за американскиот пазар, „Release My Mind“, а најавата за песната се појави на џиновскиот билборд на Тајмс сквер во Њујорк, кој годишно го посетуваат 39 милиони луѓе.
Самата пејачка не можеше да им верува на своите очи, па врескаше од среќа додека ја гледаше својата фотографија на најважната раскрсница во Менхетен, која се нарекува и „Раскрсница на светот“.
Покрај рекламирањето на песната на најпосетуваната туристичка атракција, Диди Џеј се пофали и со гостување во програмата на американската ТВ мрежа „Си-би-ес“, па нема сомнение дека пејачката се впуштила во сериозен поход на светските топ листи.
