Ќерката на фолк пејачката Светлана Цеца Ражнатовиќ, Анастасија, беше кума на свадбата на својата најдобра пријателка, а фотографии со младенците сподели на својот инстаграм-профил.
За оваа свечена пригода, Анастасија Ражнатовиќ избрала небесно син фустан кој ги истакнува нејзините облини, малку ја навиткала бујната коса, а шишките ги собрала со шнола.
На социјалната мрежа Инстаграм, Анастасија Ражнатовиќ сподели фотографии од автомобилот, потоа и од црквата, а потоа јавно ѝ се обрати на кумата чија свадба со нетрпение ја очекуваше.
– Почестена сум што ме избра да бидам кума на твојата венчавка, најважниот ден во твојот живот. Те сакам до болка, убавице моја.
Видеата и сликите покажуваат колку Анастасија е блиска со девојката на која ѝ е кума, а многумина ѝ се придружија во честитките преку социјалните мрежи.
Денешниот датум во животот на Анастасија има посебно значење. Освен што стана кума на својата најдобра пријателка, нејзината мајка Светлана Цеца Ражнатовиќ го слави својот 52. роденден.
– Сè што станав е исклучително поради твојата љубов! Среќен роденден, мамо! Ти благодарам за целата љубов што ни ја даваш на сите несебично! Те сакам најмногу на светот – напиша Анастасија Ражнатовиќ под фотографијата со својата мајка.
Да потсетиме, Анастасија Ражнатовиќ е позната по својата долга црна коса, а сега реши да ја осветли и направи светли прамени.
