Српскиот музичар Жељко Јоксимовиќ денес живее со сопругата Јована и нивните деца во голема вила со базен, но првите чекори ги направил во семејната куќа во Ваљево.
Неговите родители Бранислав и Весна се труделе двајцата синови да ги изведат на вистинскиот пат, а денес, кога се тие возрасни луѓе со свои семејства, можат да уживаат во пензионерските денови.
Весна, мајката на Жељко, е активна на социјалната мрежа Инстаграм, па често сака да споделува фотографии од семејниот дом за кој очигледно води сметка.
Она со што Весна секогаш сака да се пофали се нејзините цвеќиња, кои ги има насекаде во дворот, каде што пред многу години малиот Жељко трчал и си играл.
Семејната куќа на пејачот во Ваљево се наоѓа на рид, а е опкружена со висока, бела ограда, додека на влезот се наоѓа црна капија.
Дека ужива во природата покажува и податокот дека околу куќата насекаде има тревни површини, а Весна се потрудила и сè да биде добро осветлено кога ќе се стемни.
View this post on Instagram
Пред влезот во куќата има гаража, а нејзиниот покрив може да се користи за да ги угости семејството и пријателите во убавите сончеви денови, додека самата куќа е изградена во стилот кој се практикувал пред многу години.
Да потсетиме, Жељко завршил гимназија во Ваљево, а во 1993 година се преселил во Белград, каде што се запишал на Факултетот за музичка уметност, а животот го навел да остане и да твори во главниот град на Србија.
