Исидора Мијановиќ, 24 години помладата сопруга на српскиот актер Сергеј Трифуновиќ, го сподели своето искуство од летниот одмор на Ада Бојана.
Таа објаснила дека проблемот се случил дури кога се распакувале во сместувањето коешто го резервирале претходно.
– Искуство со сместување на Ада Бојана. Го пишувам ова за да не се чувствува некој друг непријатно на одморот и да мора да го смени сместувањето среде лето, како што направивме ние. Куќата што ја резервиравме прима 4 лица (има 4 кревети). Ние двајцата ја резервиравме и плативме половина од вкупната цена однапред. Во претходните случаи, ова не беше пракса – секогаш плаќавме депозит, а остатокот по завршувањето на престојот. Кога пристигнавме, куќата изгледаше убаво, но многу брзо ги откривме проблемите – напишала Исидора.
Таа додала дека во сместувањето работите не работеле како што стоело во огласот.
– Клима-уредот работи само две минути, потоа се исклучува. Практично е невозможно да се разлади куќата, нема машина за перење алишта, плакарите се заклучени со катанец. Подоцна ни се придружија пријатели за викендот, и тогаш се појави првиот сериозен проблем: сопствениците не дозволија повеќе луѓе да престојуваат во куќата и нè замолија да платиме дополнително. Бројот на ноќевања беше контролиран дури и од соседите, кои многу често влегуваа во нашиот простор ненајавено, под изговор да поправаат ситни работи што не функционираат – рекла Исидора.
Како што напишала на Инстаграм, нивните проблеми не завршиле тука.
– Потоа почнаа повиците и пораките, наизменично од госпоѓата што ги издава куќите на Бојана и сопственикот. Пораките беа непријатни, вознемирувачки и без никакво јасно објаснување, сè до денот кога си заминавме. Напоменувам дека куќата е уредно платена, вклучувајќи ги сите дополнителни плаќања. Исто така, од приказната за непријатностите ја изоставувам сопругата на сопственикот, која беше многу пријатна. Навистина е неверојатно што сопствениците и агентите се однесуваат вака кон гостите во објект што е за комерцијални цели. Мислам дека е важно да се сподели искуството за да не се најдат другите во слична ситуација – напишала таа.
