Македонскиот дизајнер Златко Јовановски, познат како ЈЗЈ, го одбележа својот јубилеен 30-ти роденден со интимна, но луксузна вечера во познат скопски ресторан, во друштво на најблиските пријатели и семејството.
Како и секогаш, неговиот моден израз не помина незабележано. Јовановски се појави во црни панталони и бела кошула, преку која носеше црн корсет. Комбинацијата ја заокружи со машна-пеперутка и впечатливо бело палто украсено со кристали кои нежно висеа.
Посебно внимание привлече и неговата фризура инспирирана од времето на чарлстонот, за која откри дел од подготовките преку видеа објавени на својот инстаграм-профил.
Најоригиналниот момент од роденденот сепак дојде од неговата сестра, која живее во Италија и му подари табла јајца – секое со посебна порака. Со овој неочекуван, но симболичен подарок, таа внесe хумор во прославата.
„Да не сме ние лавовите, овој свет би бил џунгла. Некој мора да биде храбар, плус да светка и да сјае,“ напиша Јовановски во една од своите објави.
