Катарина Лазиќ, сопругата на српскиот пејач Дарко Лазиќ, пред неколку месеци ја роди ќерката Срна, а сега откри дека по породувањето се соочила со здравствени проблеми.
Сопругата на Дарко дури и во текот на бременоста беше активна на социјалните мрежи, па во една прилика Катарина сподели фотографија од трудничкиот стомак и на своите следбеници им откри дека има папочна кила. Бидејќи килата останала видлива и по породувањето, решила да оди на лекар.
„По бременоста остана видлива и ми се чинеше дека можеби е и поголема, па решив да закажам преглед, да ја прегледам килата и да го слушнам мислењето на лекарот што се однесува до тренирањето“, објаснила Катарина.
Лекарот утврдил дека килата не е за операција, но сопругата на Лазиќ има уште еден проблем како последица на породувањето.
„Покрај килата, по бременоста имам и дијастаза. Дијастазата ми е минимална, можеби ќе се врати на своето откако ќе помине уште малку време од бременоста, бидејќи телото се менува девет месеци, па исто толку време е потребно за да се врати во старото. Можам да ја санирам и со вежби, што и ќе го направам“, признала Катарина на социјалните мрежи, а потоа ги советувала жените со истиот проблем кои вежби да ги практикуваат.
Дијастазата е состојба која се јавува кога ткивото помеѓу стомачните мускули се растегнува или кине на централната вертикална линија. Најчесто е последица на растот на матката и се јавува кај жени во текот на бременост или по породување. Доколку дијастазата е мала може да се санира со вежби, но ако е поголема потребна е операција.
„Зајакнувањето на абдоминалниот ѕид поволно делува на килата и дијастазата, но мора да се биде многу внимателен со вежбањето со тегови“, на крајот истакнала Катарина.
