Поранешниот сопруг на пејачката Бритни Спирс, Сем Асгари ја потврди врската со актерката Брук Ирвин преку социјалните мрежи. Заедно со серија заеднички фотографии, парот на следбениците им ја честиташе Новата година, потврдувајќи ги гласините кои кружат последните недели.
На објавените фотографии Сем и Брук изгледаат опуштено и среќно. Една од романтичните сцени ги прикажува во костими за капење додека лежат на стебло на палма, додека на други фотографии се овековечени моментите од нивното ноќно излегување, на кое избирале модни комбинации во иста боја.
View this post on Instagram
Парот очигледно уживал и во координирањето на стајлинзите за различни прилики, што следбениците со воодушевување го коментираа. Коментарите на поддршка и честитки го преплавија профилот на Сем.
„Среќна Нова година и честитки за новите почетоци“, му напишал еден обожавател, додека друг следбеник додал:
„Прекрасен пар! Ја заслужуваш целата среќа.“
Меѓу оние кои го поддржаа беше и неговата сестра Меди која додала два емотикони за срце под фотографијата.
Оваа потврда доаѓа осум месеци откако тој го финализираше разводот со Бритни Спирс, со која беше во брак нешто повеќе од една година.
Сем и Бритни се запознаа во 2016 година во текот на снимањето на спотот за нејзината песна „Slumber Party“, а по пет години врска, тие се венчаа во јуни 2022 година.
Нивниот брак заврши во мај 2024 година, и оттогаш Сем често ја нагласува важноста на позитивниот поглед на животот.
Гласините за врската со Брук се појавија во ноември, кога првпат беа видени заедно. Тогаш Сем изјави дека влегува во ново поглавје во својот живот и ја нагласи важноста да се фокусира на вистината и личниот мир, без оглед на мислењата на другите.
